![Grelos](https://ven.aspontes.org/wp-content/uploads/2015/03/Grelos.jpg)
Grelos
O grelo é un dos produtos típicos da cociña galega. Nas pontes homenaxéaselle dende o ano 1981, todos os domingos do entroido, cunha Feira do Grelo que, co patrocinio do Concello das Pontes, o apoio dos agricultores da bisbarra, e das distintas asociacións culturais e gastronómicas, fan que o grelo, sexa un dos produtos estrela da gastronomía local.
Mantecados Ponteses
Elaboradas de forma totalmente tradicional igual que se facía hai un século, cando as mulleres das Pontes comezaron a facelos nas súas casas. Hoxe en día poderás encontrar este produto artesanal e pontés nas panadarías do pobo, acompañados dos polvoróns artesáns forman unha parella de doces que ningún visitante debe deixar de probar.
![Mantecadas](https://ven.aspontes.org/wp-content/uploads/2015/03/Mantecadas.jpg)
![Polvorones-As-Pontes](https://ven.aspontes.org/wp-content/uploads/2015/03/Polvorones-As-Pontes.jpg)
Polvorones Ponteses
Os polvorones das Pontes, do mesmo xeito que as mantecadas, manteñen a mesma receita tradicional de sempre mantendo esa exclusividade no sabor que os fai únicos. Están feitos con manteiga de vaca e de porco, metade e metade, ovos frescos, fariña, azucre e améndoa picada polo medio que lles dá ese sabor tan propio e excepcional. Xunto coas mantecadas forman unha parella de doces que todo visitante debe levar á súa casa.
Fungos e Cogumelos
As Pontes é pioneiro en Galicia no desenvolvemento e divulgación do consumo de fungos e cogomelos. Desde o ano 1989, o concello das Pontes leva promocionando estes produtos de forma activa mediante a celebración de actividades como saídas ao monte en busca de cogomelos, cursos e talleres de micoloxía, conferencias e charlas impartidas por especialistas e exposicións. A “Feira de Fungos e Cogumelos” celébrase no mes de Novembro pechando unha semana de actividades en torno ao mundo da micoloxía.
![cogomelos](https://ven.aspontes.org/wp-content/uploads/2015/03/cogomelos.jpg)
![Mel](https://ven.aspontes.org/wp-content/uploads/2015/03/Mel.jpg)
Mel de Goente
Trátase dun mel natural, elaborada cos métodos tradicionais e que provén das abellas e das flores da zona. Goente é a parroquia das Pontes onde está situada “A Casa do Mel” cuxa función é a de divulgar e atraer o interese por este produto e pola forma de producilo.
Queixo do Eume
As Pontes tamén ten o seu propio queixo, proveniente das vacas que pastan nas ribeiras do río Eume, trátase dun queixo sen curación, cremoso, e co seu toque de sal.
![Queso](https://ven.aspontes.org/wp-content/uploads/2015/03/Queso.jpg)